प्रतिनिधी / चंद्रपूर, दि.६ फेब्रुवारी (जिमाका) : महाराष्ट्र राज्य क्रीडा धोरणानुसार युवा हा घटक महत्त्वाचा मानण्यात आला आहे. युवकांना व युवतींना त्यांनी केलेल्या कामाचा गुणगौरव व्हावा व त्यांना प्रोत्साहन देण्यासाठी राज्याच्या नवीन युवा धोरणानुसार राज्य व जिल्हा युवा पुरस्कार सुरु करण्यात आले आहेत.
राज्य युवा पुरस्कारासाठी सन 2023-24 क्रीडा विभागाच्या क्षेत्रीय विभागस्तरानुसार प्रत्येक विभागातील एक युवक, एक युवती व एक नोंदणीकृत संस्था यांना देण्यात येणार आहेत.
या पुरस्काराचे स्वरुप राज्य युवा पुरस्कारामध्ये युवक-युवती यांना रोख 50 हजार रुपये तर संस्थेस 1 लाख रुपये तसेच गौरवपत्र, सन्मानचिन्ह असे राहणार आहे.
राज्य युवा पुरस्कारासाठी युवक-युवती अथवा युवा विकासाचे कार्य करणा-या संस्था यांची गत तीन वर्षामध्ये केलेल्या कामगिरीचे मुल्यांकन विचारात घेण्यात येणार असून राज्य व जिल्हा युवा पुरस्कार सन 2023-24 साठी दि.15 फेब्रुवारी 2025 रोजी पंर्यत जिल्हा क्रीडा अधिकारी कार्यालय, चंद्रपुर येथे अर्ज सादर करणे आवश्यक राहणार आहे.
अर्जाचा नमुना क्रीडा व युवक सेवा संचालनालय, पुणे संबंधित जिल्हा क्रीडा अधिकारी कार्यालय, चंद्रपूर किंवा https//sports. maharashtra.gov.in संकेतस्थळावर उपलब्ध आहे.
जास्तीत-जास्त युवक – युवती व युवा विकासाचे कार्य करणाऱ्या संस्था यांनी पुरस्कारासाठी अर्ज सादर करण्याचे आवाहन जिल्हा क्रीडा अधिकारी यांनी केले आहे.
000000
